АҚШ Покистон ҳудудида ҳужум уюштирди

Покистон разведка хизмати расмийлари Афғонистон чегараси яқинида АҚШ ҳарбийлари амалга оширган ракета ҳужумида уч киши ўлганини маълум қилди.

Расмийларга кўра, жума кунги ҳужум Шимолий Вазиристон вилоятининг Мир Али шаҳри яқинида уч киши кетаётган автомобилга қарши уюштирилган.

Бу Америка ҳарбийларининг сўнгги 12 соат ичида уюштирган иккинчи ракета ҳужумидир. Маълумотларга кўра, пайшанба кунги ҳужумда ҳам уч киши ўлган.