Арман журналисти озодликдан маҳрум этилди

Ереван туман суди мухолифатнинг “Айкакан Жаманак” газетаси мухаррири Никола Пашинянни 7 йилга қамоқ жазосига ҳукм қилди.

У 2008 йил март ойида Серж Саркисян мунозарали тарзда президент этиб сайланганидан кейин Ереванда оммавий тартибсизлик уюштирганликда айбдор деб топилди.

Полиция кучлари сайловда иккинчи ўринни эгаллаган собиқ президент Левон Тер-Петросян тарафдорларини тарқатишга уринган пайтда содир бўлган тўқнашувлар пайтида ўн киши нобуд бўлган.