Шарқий Қозоғистонда аҳоли эвакуацияси давом этмоқда

Қозоғистоннинг шарқий вилоятларида сув тошқинлари хавфи сабабли минглаб аҳоли хавфсиз жойларга кўчирилмоқда.

Хусусан сўнгги 48 соат ичида Тарбағатай туманида 4 220 киши хавфсиз жойга кўчирилди.

Бунга қор эриши оқибатида Улан туманидаги Уланка дарёсининг тошиб учта қишлоқни сув босгани сабаб бўлди.

Сув тошқини сабабли Шарқий Қозоғистон вилоятидаги барча катта йўллар вақтинча ёпиб қўйилди.