Германия Ташқи ишлар вазирлигининг ўз исмини айтмасликни сўраган расмийси Озодликка Германия Федерал ташқи ишлар вазири Гуидо Вестервелле Тошкентда президент Ислом Каримов ва ташқи ишлар вазири Владимир Норов билан учрашишини айтди.
Унга кўра, Вестервелле Ўзбекистон раҳбарлари билан асосан Қирғизистондаги вазият масаласини муҳокама қилади.
- Ўзбекистон Қирғизистонга чегарадош бўлгани учун вазиятни барқарорлаштиришда муҳим рол ўйнайди. Шу боис музокаралар чоғида асосий масала Қирғизистондаги вазиятни барқарорлаштириш масаласи бўлади. Шунингдек, музокараларда Марказий Осиё давлатлари ҳамкорлиги, Афғонистонда хавфсизликни таъминлаш борасида Германия ва Ўзбекистон ўртасидаги ҳамкорлик муҳокама этилиши кутилмоқда. Айни пайтда Германия Федерал ташқи ишлар вазири Ўзбекистондаги инсон ҳуқуқлари ва фуқаролар ҳуқуқлари вазиятини ҳам муҳокама этишни режалаган, дейди Германия Ташқи ишлар вазирлиги расмийси.
Унга кўра, Гуидо Вестервелле 16 июл куни яқинда қонли воқеалар рўй берган Ўш шаҳрига боради. Мақсад Франция Ташқи ишлар вазири Бернард Кушнер билан бирга Ўшдаги вазият билан яқиндан танишиш ҳамда халқаро гуманитар ёрдам зўравонликдан жабр кўрган аҳолига қандай тарқатилаётгани билан танишишдан иборат.
Германия Ташқи ишлар вазирлиги расмийси Гуидо Вестервелле минтақага Қирғизистондаги бўҳронни ҳал қилиш борасида аниқ таклиф билан бормаганини маълум қилди.
Айни пайтда мутахассислар Қирғизистонда юзага келган бўҳронни бир давлат ҳал қила олмаслигини муаммога ечим топиш учун халқаро ҳамжамият томонидан мувофиқлаштирилган чоралар кўрилиши керак, деган фикрда.
Лондондаги стратегик тадқиқотлар маркази таҳлилчиси Оксана Антоненко Германия кўп йиллардан бери Марказий Осиёда актив фаолият олиб бораётганига қарамай, Федерал ташқи ишлар вазири Гуидо Вестервелленинг минтақага сафари Қирғизистондаги вазиятни ўзгартира олмаслигини айтди.
- Ҳозирда асосий муаммо иқтисодий ва молиявий ёрдам кўрсатиш, Ўш ва Жалолобод шаҳарларини қайта тиклаш ҳамда Ўзбекистондан қайтган қочқинларга ёрдам кўрсатишдан иборат. Бундан ташқари, Қирғизистонда тартиб ва қонун устуворлигини таъминлашда ёрдам кўрсатилиши керак. Бунинг учун Европада хавфсизлик ва ҳамкорлик ташкилоти хомийлигида Қирғизистонга мустақил полиция кучларини жойлаштириш кераклиги масаласи муҳокама қилинмоқда. Шу борада Германия ва Франция муҳим рол ўйнаши мумкин, дейди британиялик таҳлилчи.
Швейцариядаги “Халқаро алоқалар ва хавфсизлик” тадқиқот маркази таҳлилчиси Александр Вилнер ҳам Қирғизистонда юзага келган бўҳронни ҳал қилиш учун қисқа муддатда аҳолига ёрдам кўрсатилиши керак, деган фикрда.
- Менимча, гуманитар ёрдамлар етказилишини молиялаштириш ва озиқ-овқат тақчиллигига қисқа муддат ичида барҳам бериш керак. Одамлар ҳаётини қайта нормал йўлга қўйишда ёрдам кўрсатилиши лозим. Уйларини қайта тиклашида уларга ёрдам бериш керак, дейди Швейцариядаги “Халқаро алоқалар ва хавфсизлик” тадқиқот маркази таҳлилчиси Александр Вилнер.
Германия ва Франция ташқи ишлар вазирлари 16 июл куни Ўш ва Бишкекка ташрифидан сўнг Европада хавфсизлик ва ҳамкорлик ташкилоти ташқи ишлар вазирлари йиғилишида қатнашиш учун шу куни Қозоғистоннинг Алмати шаҳрига жўнаб кетадилар.
Унга кўра, Вестервелле Ўзбекистон раҳбарлари билан асосан Қирғизистондаги вазият масаласини муҳокама қилади.
- Ўзбекистон Қирғизистонга чегарадош бўлгани учун вазиятни барқарорлаштиришда муҳим рол ўйнайди. Шу боис музокаралар чоғида асосий масала Қирғизистондаги вазиятни барқарорлаштириш масаласи бўлади. Шунингдек, музокараларда Марказий Осиё давлатлари ҳамкорлиги, Афғонистонда хавфсизликни таъминлаш борасида Германия ва Ўзбекистон ўртасидаги ҳамкорлик муҳокама этилиши кутилмоқда. Айни пайтда Германия Федерал ташқи ишлар вазири Ўзбекистондаги инсон ҳуқуқлари ва фуқаролар ҳуқуқлари вазиятини ҳам муҳокама этишни режалаган, дейди Германия Ташқи ишлар вазирлиги расмийси.
Унга кўра, Гуидо Вестервелле 16 июл куни яқинда қонли воқеалар рўй берган Ўш шаҳрига боради. Мақсад Франция Ташқи ишлар вазири Бернард Кушнер билан бирга Ўшдаги вазият билан яқиндан танишиш ҳамда халқаро гуманитар ёрдам зўравонликдан жабр кўрган аҳолига қандай тарқатилаётгани билан танишишдан иборат.
Германия Ташқи ишлар вазирлиги расмийси Гуидо Вестервелле минтақага Қирғизистондаги бўҳронни ҳал қилиш борасида аниқ таклиф билан бормаганини маълум қилди.
Айни пайтда мутахассислар Қирғизистонда юзага келган бўҳронни бир давлат ҳал қила олмаслигини муаммога ечим топиш учун халқаро ҳамжамият томонидан мувофиқлаштирилган чоралар кўрилиши керак, деган фикрда.
Лондондаги стратегик тадқиқотлар маркази таҳлилчиси Оксана Антоненко Германия кўп йиллардан бери Марказий Осиёда актив фаолият олиб бораётганига қарамай, Федерал ташқи ишлар вазири Гуидо Вестервелленинг минтақага сафари Қирғизистондаги вазиятни ўзгартира олмаслигини айтди.
- Ҳозирда асосий муаммо иқтисодий ва молиявий ёрдам кўрсатиш, Ўш ва Жалолобод шаҳарларини қайта тиклаш ҳамда Ўзбекистондан қайтган қочқинларга ёрдам кўрсатишдан иборат. Бундан ташқари, Қирғизистонда тартиб ва қонун устуворлигини таъминлашда ёрдам кўрсатилиши керак. Бунинг учун Европада хавфсизлик ва ҳамкорлик ташкилоти хомийлигида Қирғизистонга мустақил полиция кучларини жойлаштириш кераклиги масаласи муҳокама қилинмоқда. Шу борада Германия ва Франция муҳим рол ўйнаши мумкин, дейди британиялик таҳлилчи.
Швейцариядаги “Халқаро алоқалар ва хавфсизлик” тадқиқот маркази таҳлилчиси Александр Вилнер ҳам Қирғизистонда юзага келган бўҳронни ҳал қилиш учун қисқа муддатда аҳолига ёрдам кўрсатилиши керак, деган фикрда.
- Менимча, гуманитар ёрдамлар етказилишини молиялаштириш ва озиқ-овқат тақчиллигига қисқа муддат ичида барҳам бериш керак. Одамлар ҳаётини қайта нормал йўлга қўйишда ёрдам кўрсатилиши лозим. Уйларини қайта тиклашида уларга ёрдам бериш керак, дейди Швейцариядаги “Халқаро алоқалар ва хавфсизлик” тадқиқот маркази таҳлилчиси Александр Вилнер.
Германия ва Франция ташқи ишлар вазирлари 16 июл куни Ўш ва Бишкекка ташрифидан сўнг Европада хавфсизлик ва ҳамкорлик ташкилоти ташқи ишлар вазирлари йиғилишида қатнашиш учун шу куни Қозоғистоннинг Алмати шаҳрига жўнаб кетадилар.
