Расмий Коҳира фаластинликларнинг "Ғарбий соҳилда Исроил қурилишлари тўхтатилмас экан, тинчлик музокараларига қайтилмайди", деган қарорини қувватлашини билдирди.
Миср ташқи ишлар вазири Аҳмад Абул Ғайт: "Ғарб ҳукуматлари қурилишларга мораторийни қайта тиклашини талаб қилиб, Исроилга босим ўтказиши лозим", дея таъкидлади.
Иордан ғарбий соҳилидаги яҳудий уй-жойлари қурилиши учун жорий этилган 10 ойлик мораторий муддати 26 сентябр куни битганидан сўнг қайта чўзилмагани боис Исроил ва Фаластин расмийлари ўртасида 2 сентябрда бошланган музокаралар тақдири мавҳум қолган эди.
Ушбу музокараларга Вашингтон воситачилик қилмоқда.