Тожикистон расмийси Айний аэродромидан фойдаланиш тўғрисида Россия билан музокаралар ўтказилаётгани тўғрисидаги фактларни тасдиқлади.
18 октябр куни Душанбеда ўтказилган матбуот анжуманида Тожикистон Ташқи ишлар вазири Ҳамрохон Зарифий бу аэродромни фойдаланишга бериш тўғрисида АҚШ ва Ҳиндистон билан музокаралар бораётгани ҳақида баъзи ахборот воситалари хабарлари нотўғри эканини айтди.
“Бу аэродромни Россияга фойдаланишга бериш бўйича музокаралар натижасини келишувга эришганимиз ва тегишли битимларни имзолаганимиздан сўнггина маълум қилишимиз мумкин”, дея Тожикистон Ташқи ишлар вазиридан иқтибос келтирмоқда “Фарғона.ру" ахборот агентлиги.
