ЕИ раҳбарлари Брюселда иқтисодий муаммоларни муҳокама этмоқда

Брюсселда бугун Европа Иттифоқининг икки кунлик саммити иш бошлади.

ЕИнинг 27 давлати раҳбарлари саммит давомида иқтисодий муаммолар, жумладан, Грецияда йил бошида авж олган иқтисодий бўхроннинг бошқа давлатларда такрорланишини олдини олиш каби масалаларни муҳокама этишади.

Германия ва Франция маблағларни ўйламай сарфлайдиган Греция каби мамлакатларга санкция қўллаш таклифини илгари суришяпти. Аммо, Европа Иттифоқининг бошқа аъзолар бундай режага қарши.