Қаддафий Киренаика ҳудудида назоратни йўқотди

Муаммар Қаддафий ҳукумати Ливия шарқидаги Киренаика вилояти назоратини қўлдан бой берди.

Бу ҳақда Италия Ташқи ишлар вазири Франко Фраттини Триполидаги Италия элчихонаси маълумотига таянган ҳолда хабар тарқатди.

Шунингдек, Фраттинига кўра, Ливиядаги норозилик намойишлари пайтида тахминан минг одам ҳалок бўлган.

Франко Фраттини Ливиядаги тартибсизликлар боис 300 минг одам Италияга қочиб ўтиши мумкинлигидан огоҳлантирди.