Интерпол Қаддафийга нисбатан огоҳлик эълон қилди

Интерпол Ливия раҳбари Муаммар Қаддафий ҳамда унинг яқинларига нисбатан халқаро огоҳлик эълон қилди.

Эндиликда Интерполга аъзо давлатларнинг полиция ва чегара хизматларига ушбу шахсларнинг ҳаракатланишларини чеклаш, банк ҳисобларини музлатиш учун зарур бўлган маълумотлар тақдим этилади.

Интерпол вакилларига кўра, огоҳлик Бирлашган Миллатлар Ташкилотининг Ливияга қарши жазо чоралари муносабати билан эълон қилинган.