Линклар

Омонмуродова Уимблдон турнирини тарк этди


Нуфузли Уимблдон турнирида қатнашаётган ўзбекистонлик теннисчи Оқгул Омонмуродова биринчи турда чехиялик Петра Квитовага мағлуб бўлди.

Икки сет давом этган учрашув бошида тошкентлик теннисчи геймлар бўйича 4:1 ҳисоби билан олдинда бораётган эди.

Бироқ дунёда тўртинчи ракетка ҳисобланган Квитова қаторасига етти геймни ўз фойдасига ҳал қилиб, Омонмуродовани қийин вазиятга солиб қўйди.

Ўйин умумий ҳисоб 6:4, 6:4 билан чехиялик теннисчи фойдасига якунланди.

Мағлубиятдан сўнг Оқгул Омонмуродова "Катта дубулға" туркумига кирувчи Уимблдон турнирини тарк этди.
XS
SM
MD
LG