Катта Жорж Буш тузала бошлади

Уч кун аввал Ҳюстон шаҳридаги касалхонага ётқизилган АҚШнинг собиқ президенти катта Жорж Бушнинг аҳволи яҳшилана бошлаган.

Бу ҳақда Ҳюстондаги шифохона врачлари маълум қилишди. 26 декабр куни 88 ёшли Жорж Буш “соғлиғи ёмонлашиб, юқори иситмаси узоқ вақт сақланиб қолглани” боис интенсив терапия бўлимига ўтказилганди.

Собиқ президент кичик Жорж Бушнинг отаси 1989-1993 йилларда АҚШнинг 41-президенти бўлган.

Президент Роналд Рейган даврида вице-президент бўлган катта Жорж Буш 1992 йлдаги президент сайловида Билл Клинтонга ютқазган.