Ўзбекистонга сайёҳлар оқими 16 фоизга ошган

“Ўзбектуризм” миллий агентлиги расмийларига кўра, ўтган йили Ўзбекистонга қарийб икки миллион хорижлик сайёҳ келиб кетган.

Бу 2012 йилдагига қараганда 16 фоизга кўпдир. Биргина Россиядан ўтган йили 115 минг сайёҳ Ўзбекистонга келган.

Бу ундан аввалги йилдагига қараганда 2.17 фоизга кўпдир. Бу йил Ўзбекистонда сайёҳлик ширкатларига имтиёзлар жорий этилиши ортидан улар сони кўпайган.

Ҳозирда Ўзбекистонда 900дан зиёд сайёҳлик ширкати ва 400дан зиёд меҳмонхона фаолият юритмоқда.