Покистонда содир бўлган портлашдан камида 12 киши нобуд бўлди

Покистоннинг Балужистон вилоятида поезд портлаши оқибатида камида 12 йўловчи ҳалок бўлди, 35 киши тан жароҳати олди.

Сибби шаҳрида сешанба куни содир бўлган бу портлаш учун масъулиятни ҳозирча ҳеч ким ўз зиммасига олгани йўқ.

Аввалроқ Покистон расмийлари хавфсизлик кучлари томонидан ўтказилган амалиёт натижасида Балужистон вилоятида ўн нафар айирмачи жанггари ўлдирилгани ҳақида маълум қилгандилар.