Ўзбекистонда шакар тақчиллиги ва қимматчилиги бошланганига қарийб бир ой бўлганида ҳукумат бирдан “уйғониб” қолди ва атрофга қараб, кўзини ишқаб “нима бўлаяпти”, деди: ўтган ҳафта охирида Республика Хусусийлаштириш, монополиядан чиқариш ва рақобатни ривожлантириш давлат қўмитаси “Ҳукумат томонидан чакана савдо дўконларида сотилаётган шакар маҳсулотининг максимал нархи 1 кг учун 3200 сўмдан ошмаслиги белгилаб қўйилганини” ўзининг расмий сайтида эълон қилди.
Озодлик 15 июль куни масалани яна бир бор ўрганар экан, тилга олинган идора кўрсатмасига шакарфурушлар риоя қилмаётганини аниқлади.
Мазкур “ширин” масаланинг аччиқ томонлари Камолиддин Раббимовнинг OzodNazarида яна бир бор муҳокамадан ўтди.
Камолиддин Раббимов Туркия ташқи ишлар вазири Аҳмад Довутўғлининг Тошкентга сафари натижалари таҳлилига ҳам анча кенг тўхталди.
Камолиддин Раббимовнинг OzodNazarини тингланг:
