АҚШ ва Британия Россия ҳукуматини гуманитар ёрдам баҳонасида Украинага тинчликпарвар қўшинини олиб кириш оқибатларидан огоҳлантирди.
"Бундай қадам мутлақо қабул қилинмас холдир ва бунга Украинага босқин сифатида қаралади", - деди АҚШнинг БМТдаги расмий вакили Саманта Пауэр.
Британия ташқи ишлар вазири Филип Хаммонд ҳам Россияни ”ҳар қандай фитнадан тийилиш”га чақирди.
Ҳозирда Украинанинг Россия чегараларига яқин ҳудудларда россияпараст айирмачилар ва украин армияси ўртасида жанглар давом этмоқда.
