Туркия собиқ президенти Сулаймон Демирел 90 ёшида оламдан ўтди.
Жаноб Демирел 1965 йилдан 1993 йилгача Туркияга беш марта бош вазирлик қилган ва икки марта ҳарбийлар тарафидан вазифасидан четлатилган.
1993 йилдан 2000 йилгача у Туркия президенти ҳам бўлган.
Сулаймон Демирел 1924 йилда Туркиянинг Испарта шаҳрида туғилган. Асли касби мухандис бўлган Демирел 1965 йилга сайловларда Адолат партиясидан ғолиб чиқиб, бош вазирлик курсисини эгаллаган эди.
