Қозоғистон пойтахтидаги Евроосиё университети доценти, иқтисодчи олим, асли ўзбекистонлик Сапарбой Жубаевдан Остона шаҳридаги Рамазон руҳини тасвирлаб беришни сўрадик. Ўзбекистон ҳукуматининг собиқ мулозимини, албатта, Рамазон туфайлигина OzodNazarга таклиф қилганимиз йўқ.
Хабарлар лентасида бугун Ўзбекистон иқтисодиётига оид хабарлар ҳам пайдо бўлди.
Улардан бири бу:
Ўзбекистон ва Тожикистон савдо-иқтисодий ҳамкорлик комиссиясининг учинчи мажлисида Ўзбекистон Бош вазирининг биринчи ўринбосари, Молия вазири Рустам Азимов мамлакатнинг ташқи қарзи ички ялпи маҳсулотнинг 16 фоизига тенг эканлиги тўғрисида баёнот берди.
Хўш, кўпми бу ё озми?
