Тошкентдаги Халқаро маданият карвонсаройида “Қадимий Чоч маданий мероси” деб номланган кўргазма давом этмоқда. Кўп йиллик археологик изланишлар асносида Тошкент вилояти ҳудудидаги Қонқа ҳамда Қоршовултепа қадимий ёдгорликларидан VI-VIII ҳамда X-XII асрларга оид осори атиқалар топилган. Маданият карвойсаройида айни ўша экспедициялар чоғи қўлга киритилган кўҳна бисот – сирланган сопол ва шиша буюмлар, тақинчоқлар, тангалар ҳамда шамчироқ, кўза, ақчадон сингари рўзғор ашёлари намойиш этилмоқда.