"Ҳуррият" газетасининг 21 октябрь сонида “Давлат тили маркази” ташкил этиш таклифи илгари сурилди. Газета фикрича, мазкур муассаса давлат тилини бузгани учун оммавий ахборот воситалари ходимлари, ёзувчи, таржимон, актёр, суҳандон, ишлаб чиқарувчи, реклама берувчилар, умуман, тил қоидаларига риоя этмаган барча шахсларни жаримага тортиши керак. Хўш, бу “Ҳуррият”нинг ўзидан чиққан гапми ёки ҳукуматнинг шундай режаси борлигидан даракми?
Собиқ “ҳурриятчи”, ҳозирда эса эркин журналист Абдураҳмон Ташановга шу саволни ҳам бердик.
Эшиттириш эса, албатта, куннинг энг долзарб мавзуи – валюта қора бозоридаги саросима тафсилотларидан бошланди.
