Қозоғистонда 1 декабрь - Биринчи президент кунида мамлакатда таълим муассасалари ва давлат ташкилотлари, корхоналари ишчилари дам олади.
Қозоғистон тарихидаги биринчи президенти - амалдаги президент Нурсултон Назарбоев шаънига мақтовлар, табрикларни ўзи ичига олган тадбирлар мамлакат бўйлаб ташкил қилинади. Бу тадбирлар мавзуи ҳар йили президент аппарати томонидан белгиланади.
Қозоғистонда бу байрам 2012 йилдан бошлаб нишонланмоқда. 1991 йилнинг 1 декабрида Нурсултон Назарбоев умумхалқ сайловларида мамлакатнинг илк президенти этиб сайланган. Ўшанда у сайловдаги ягона номзод бўлган.
Мамлакатда Назарбоев шахсига боғланган яна бир байрам - Остона кунидир. Бу ҳар йили 6 июль - Нурсултон Назарбоев туғилган куни нишонланади. Бу кундаги тадбирларнинг тематикаси ҳам ҳар йили ҳукумат томонидан белгиланади ва тадбирларнинг асосий мазмуни амалдаги президентни улуғлашдан иборат бўлади.
1-декабрь - Қозоғистонда Биринчи президент - Нурсултон Назапбоев куни нишонланаётган бир кезда Озодлик ўзбекистонлик муштарийларига савол билан юзланмоқчи:
Ўзбекистонда Биринчи президент - Ислом Каримов куни нишонланишини истармидингиз?
Фикр-мулоҳазаларингизни кутиб қоламиз:
WhatsApp+420 724 971 539, Ozodskype, Ozodovoz, Ozodlikonline скайп манзиллари ва ижтимоий тармоқларидаги Озодлик саҳифаларига мурожаат қилинг!
