Шаҳрихонда очилган янги супермаркетга одамлар сиғмади
Бугун (20 феврал) эрта тонгдан Андижон Шахрихонида Sunday (Якшанба) деб номланган янги супермаркет очилишига юзлаб одамлар йиғилди.
Очилиш маросимидан сўнг сўнг ичкарига кириш истагида бўлган одамлар шу қадар кўп бўлдики, супермаркет маъмурияти охири киришни тақиқлаб қўйди.
Ҳозирча одамлар ташқаридан туриб томоша қилишмоқда.
Ичкарига кириш Озодлик мобил мухбирига ҳам ҳали насиб қилмади. Кечга яқин имкон бўлса ичкарини ҳам кўрамиз 😆
Тошкентдаги йирик текстил фабрикасида ойликлар муаммо бўлмоқда
Тошкентдаги "Кўкча текстил" корхонасида ишлайман. Бу корхона корейслардан тортиб олиниб ўзбеклар томонидан бошқарилади. Ҳозир бу корхонада ҳеч қандай ҳақиқат қолмади. Тўғрисини айтсам меҳнатимиз қуллик меҳнатига ўхшайди. Бир йил олдин 7-8 тонна ип махсулот чиқарар эдик, ойликлар яхши эди. Ҳозирда 13 - 14 тонна ип махсулоти чиқарамиз аммо, сўнгги 3 - 4 ой давомида ойликлар чидаб бўлмас даражада паст миқдорга тушуриб юборилди. Ойликлар вақтида берилмаяпти. Қул бўлиб ишлаш ҳамманинг жонига тегди.
Электрсиз абадий Пайшанба!
Самарқанд вилояти, Катта Қўрғон тумани, Пайшанба шаҳарчасида мана 7 кундан бери электр йўқ. Бу вазият яна қанча давом этади. Раҳбарият бу ерда ҳам одамлар яшаётганини унутиб юборган шекилли.
Ўзбек ўзбекни 40 даража совуқда ишлатяпти
Бу расмдаги самарқандлик йигит 35 даража совуқда тонгги 7 дан кечки 7 гача ишлаган.
Россиянинг Ханты-мансийский вилоятида қурилиш ишларини олиб борамиз. Биз ишлайдиган фирманинг номи ISTEKO. Жами 600 нафардан ошиқ Ўзбекистон фуқаролари шу ерга ишлаймиз. Кўпчилигимиз Самарқанддан. Фирмамиз хўжайини Қирғизистон фуқароси. Мана икки йилдирки бизга иссиқ қурувчи формасини қилиб бермаган. Ишчилар руҳий ва жисмоний азобда 40 даражада совуқда ишлашга мажбур бўлишмоқда.