Ukraina sharqida fuqarolar urushi boshlangan 2014 yildan to shu kungacha 2600 harbiy halok bo‘ldi , 9 mingdan ko‘proq askar yaralandi.
Ukraina Tashqi ishlar vazirligining seshanba kuni bildirishicha, o‘tgan yil fevralida tomonlar Belarus poytaxti Minskda sulh bitimini imzolagani qaramay, so‘nggi ikki oy ichida rossiyaparast isyonchilar bitim shartlarini buzib, 2500 marta o‘q otgan. Buning oqibatida Ukraina hukumat qo‘shinlarining 12 askari halok bo‘ldi, 150 askar yaralandi.
Kiev rasmiylari rossiyalik ofitserlar isyonchilarga rahbarlik qilayotganini bildirmoqda. Ukraina hukumatidagi ma’lumotlarga qaraganda, rossiyaparast isyonchilar 470 tank, 870 bronetronsportyor va boshqa qurollarga ega. Kiev isyonchilarni taqiqlangan kassetalai qurollardan foydalanayotganlikda ayblamoqda.