9 mart kuni Turkiya prezidenti Rajab Toyyip Erdo‘g‘on bilan o‘tkazilgan qo‘shma matbuot anjumanida Ukraina prezidenti Petro Poroshenko Nadejda Savchenkoni vatanga qaytarish uchun uni ayirboshlashga tayyorligini bildirdi.
- Ukrain uchuvchisi¸ ukrain ofitseri Nadejda Savchenko istalgan Ukraina fuqarosi qilishi lozim bo‘lgan ishni qildi – o‘z vatani tuprog‘ini himoya qildi¸ Ukraina hududi bo‘lgan Donbassdan noqonuniy o‘g‘irlandi¸ zo‘ravonlik bilan Rossiya hududiga olib ketilib¸ endilikda mutlaqo aloqasi bo‘lmagan jinoyatlarda ayblanmoqda¸ dedi Poroshenko.
9 mart kuni Rostov viloyati Donetsk shahar sudida Nadejda Savchenko so‘nggi chiqish qildi. Mahkama hukmining 21-22 mart kuni e’lon qilinishi kutilmoqda. Qotillikka aloqadorlikda ayblanayotgan Savchenko 23 yilga ozodlikdan mahrum etilishi mumkin.
Bir haftadan beri noroziligini ifodalash uchun quruq ochlik qilayotgan Savchenko¸ advokatining bugun bildirishicha¸ suyuqlik ichishni boshlagan.