Тиббиёт ходимлари ойликсиз қанча вақт яшай олади?
Биз Самарқанд вилояти Пайариқ туман Тиббиёт бирлашмаси ходимларига мана 4 ойидан бери ойлик берилмаяпти. Ҳали декабр, январ, феврал, март ойликларини олмадик.
Ёш ўзбек мусиқачилари биринчи ўринларни эгаллади.
В.А. Успенский номидаги РИМАЛ нинг ўқувчилари Собиржон Собиров, Оғабек Акромов, Яҳъёбек Муқимжонов ва Шаҳрибону Муҳаммаджонова устозлари Дилшод Акмалов бошчилигида Татаристоннинг Қозон шаҳрида бўлиб ўтган халқаро кўрик танловида Ўзбекистон байроғини кўтариб, фахрли биринчи ўринларни қўлга киритди.
"Пенсионерлар қолган умрини нафақани кутишга сарфламоқда"
Қашқадарёда Муборак банкида ҳар куни 20-30 пенсионер нафақасини олиш учун соатлаб, куни бўйи кутишади. Банк бошлиғига чиқишса "Нима қилай? Бизга вилоят банки пул бергани йўқ" дейди. Оддий пенсионерлар яна қаерга бориб арз қилишсин?! Бош қотган. Пенсионерларнинг қолган оз умри пенсияни кутишга кетмоқда.
Бағдод ўқитувчилари бир ярим ойда бир марта маош олади
Салом. Биз Фарғона вилояти Бағдод туманидаги 44-мактаб ўқитувчиларимиз. Бизга ойликлар бир ярим ойда тушади. Ойлик тушганида 200 минг сўм атрофидаги пулимиз асоссиз йўқ бўлади. Маълумотномада пуллар коммунал ва солиқ тўловларига ушлаб қолингани айтилади, аммо бизга ушлангани ҳақида ҳеч қандай квитанциялар берилмайди.