Qirg‘izistonda 6 apreldan xizmat haqi va tovar narxlarini milliy valyutada ko‘rsatishga shart qilib qo‘yadigan va ichki operatsiyalar uchun xorijiy valyutadan foydalanishni taqiqlaydigan qonun kuchga kirdi. Qonun parlament tomonidan 18 mart kuni ma’qullangan.
Yangi tartib asosan ko‘chmas mulk bozori, avtomobil savdosi hamda hisob-kitob dollar yoki yevroda amalga oshirilgan aviatsiya sohasiga daxl qilishi kutilmoqda. Yangi qonun me’yorlariga rioya qilmagan shaxslar ma’muriy javobgarlikka yoki jarimaga tortilishi mumkin.