Moskvada taniqli jurnalist, “Yangiliklar Milliy xizmati” axborot agentligi muharriri Aleksandr Rubtsov vahshiyona o‘ldirib ketildi.
5 may kuni tarqatilgan xabarlarda aytilishicha, 35 yoshli Rubtsovning jasadi 3 may kuni o‘z uyida topilgan. Rubsov tanasining yetti joyiga pichoq urilgan va u qattiq kaltaklangan. Rubsovning uyidan qimmatbaho buyumlar olib chiqib ketilgan.
Aleksandr Rubsovning hamkasblari uning o‘ldirilishiga kasbiy faoliyati sabab bo‘lmagan, degan taxminni bildirmoqda.