Qirg‘izistonning Botken viloyatida o‘zbek-qirg‘iz chegarasini buzganlik aybi bilan to‘rt nafar O‘zbekiston fuqarosi qo‘lga olindi.
CA-NEWS agentligining Qirg‘iziston Davlat chegara xizmatiga tayanib bergan ma’lumotiga ko‘ra, o‘zbekistonliklar 18 may kuni Botken viloyatining Qadamjoy tumani Uch-Qo‘rg‘on qishlog‘i hududida ushlangan.
Qo‘lga olingan o‘zbekistonliklar o‘zbek-qirg‘iz chegarasini buzib, aylanma yo‘llar orqali Qirg‘izistonga o‘tgani aniqlangan. Ular Qirg‘izistonga ishlab pul topish maqsadida o‘tganliklarini aytishgan.