Qirg‘iziston janubidagi Qadamjoy tumanida surunkali yomg‘irlar ortidan ro‘y bergan ko‘chkilar 5 kishining o‘limiga sabab bo‘ldi.
Bu haqda RIA "Novosti" agentligi Qirg‘iziston Favqulodda Vaziyatlar Vazirligiga tayanib xabar berdi.
O‘sh — Aydarken avtomagistral yo‘lida sel mashinani qoplagan, undagi 5 kishi hayotdan ko‘z yumgan. 6 yashar bola qutqarilgan.
Qirg‘iziston rasmiylariga ko‘ra, tabiiy ofat oqibatida bir nechta uy ko‘chki ostida qolgan.