13 iyul kuni Ozodlik Qashqadaryo viloyati Yakkabog‘ tumanidagi bir qator qishloqlarda yashaydigan aholining lalmi yerlarda yetishtirgan bug‘doyi mahalliy hokimiyat tomonidan zo‘ravonlik bilan o‘rib olinayotgani to‘g‘risida xabar qildi. Mana shu tashvishli xabar fonida viloyatning boshqa tumanida yashovchi fermer Ozodlik bilan bog‘lanib, o‘z faoliyatida hech qanday muammo yo‘qligi va bu haqda OzodNazar eshittirishida ishtirok etib, aytib berishiga imkon berishimizni iltimos qildi.
Ma’lum bo‘lishicha, o‘zini “I. Sohibov” fermer xo‘jaligi rahbari Bahriddin Sohibov, deb tanishtirgan nishonlik suhbatdoshimizning aytishicha, jurnalist Abdurahmon Tashanovning OzodNazarda aytgan gaplari uning jahlini chiqargan.
Bahriddin Sohibov bilan suhbatni eshitish barobarida mana bu ishora orqali Abdurahmon Tashanov bilan suhbatni ham yana bir bor tinglashni va kim haqligi to‘g‘risida o‘z xulosangizni chiqarishni tavsiya qilamiz.
