Ўзбекистон раҳбари рўзғор ташвишларидан мутлақо ҳоли, оиласининг барча эҳтиёжлари давлат ҳисобидан қондирилади, деган фикр ҳар бир ўзбекистонлик шуурида бор. Ахир, Ислом Абдуғаниевичнинг якшанба кунлари халта кўтариб бозор-ўчар қилишини тасаввур қилишнинг ўзи кулгили. Лекин сиёсатшунос Камолиддин Раббимов билан OzodNazarHafta эшиттиришида ҳафта якунлари юзасидан суҳбатлашарканмиз, эшиттиришни бошлаётиб мутлақо кутмаганимиз гапларни эшитдик.
