Тошкентда эса байрам давом этмоқда
1 сентябрь куни пойтахтда мамлакат мутақиллигининг 25 йиллиги тантаналари бўлмоқда. Ислом Каримовнинг саломатлиги туфайли Мустақиллик байрами концерти ва салют бекор қилинганига карамасдан, пойтахт кўчаларида одам гавжум.
Қўқонда Мустақиллик байрами нишонламоқда
Ушбу суратлар ва видеолар Қўконда олинган. Қўқон жамоат транспорти Мустақиллик байрами куни бепул қилингани ҳам айтилмоқда.
Тошкент аҳолиси Мустақиллик байрамини тантанали нишонламоқда
Тошкент шаҳрида 31-август куни кечқурин ватандошлар автомобилларда байроқ кўтарган ҳолда Мустақиллик байрамини нишонлашди.
(Видеоматериаллар ижтимоий тармоқлардан олинган)
"Boeing" ва "Ўзбекистон Ҳаво Йўллари" миллий авиакомпанияси Мустақиллик байрами арафасида Ўзбекистонга илк Boeing 787-8 Dreamliner самолётини етказди. Маросим АҚШ элчиси Памела Спратлен ва "Ўзбекистон ҳаво йўллари" авиакомпаниясининг раҳбари Валерий Тян иштирокида катта тантана билан ўтказилди. Бу тадбирни ўтказиш режасига президент Каримовнинг касал бўлгани таъсир қилмади.
(Суратлар Газета.уз сайтидан олинган)