Линклар

Шошилинч хабар
29 март 2024, Тошкент вақти: 02:52

Мирзиёев келаяпти

Муваққат президент Шавкат Мирзиёев 16 сентябрдан бошлаб мамлакат бўйлаб сафарларини амалга оширмоқда. Мирзиёев ташрифига ҳозирлик эса бир неча кун аввал бошланаяпти. Ушбу жонли блог орқали Мирзиёев ташрифлари ва шу муносабат билан бўлаётган тайёргарликларни биргаликда кузатамиз. Билганларингиз, кўрганларингиз ва эшитганларингизни Telegram, WhatsApp орқали +420 724 971 539; +420 724 740 755 рақамларига йўлланг!

19:27 27.9.2016

24 сентябь: Мирзиёев Навоий ва Бухорода

Шавкат Мирзиёев шанба куни Навоий ва Бухорога боргани ҳақида Ўзбекистон миллий телеканали “Ахборот” дастури хабар берди.

Хабарда айтилишича, Мирзиёев Навоийда “Навоиазот” ширкати томонидан амалга оширилаётган йирик лойиҳалар билан танишди. Мазкур ширкатда 50 йил аввал ўрнатилган ишлаб чиқариш ускуналарини янгилаш жараёни бормоқда.

Сафари давомида Мирзиёев Кармана тумани пахтазорларида ҳам бўлиб, фермерлар билан суҳбатлашган.

Бухорода эса президент вазифасини бажарувчи Қандим газни қайта ишлаш заводи қурилишини бориб кўрди. Қиймати 2 миллиард 600 миллион долларлик мазкур завод Россиянинг "Лукойл" ширкати ҳамкорлигида Кореянинг Hyundai Engineering ва Сингапурнинг ENTER Engineering ширкатлари томонидан барпо этилмоқда.

Апрель ойида ўтган Қандим газ заводи тамал тошини қўийш маросимида Шавкат Мирзиёев ва “Лукойл” раҳбари Вагит Алекперов иштирок этган эди. Бухорога қилган сафари давомида Мирзиёев яна бир бор Алекперов билан учрашиб, ҳамкорлик доирасини кенгайтириш борасида сўзлашган.

Қандим заводи 2018 йилда ишга туширилиши режалаштирилмоқда.

19:24 27.9.2016

*

19:24 27.9.2016

23 сентябрь: Андижонликлар Мирзиёевни кутаяпти

Ўзбекистоннинг муваққат президенти Шавкат Мирзиёевнинг Андижонга сафари арафасида шаҳарнинг "Эски шаҳар" бозоридаги тадбиркорларга нархларни тушириш, пахтакорларга эса йўл бўйидаги пахтазорлардан пахта термай туришлик буюрилди. Бу чора Мирзиёевни кўзини "мўл-кўлчилик"дан яйратиш мақсадида амалга оширилаётгани айтилмоқда.

Андижоннинг Шаҳрихон тумани Назармаҳрам қишлоғилик фермер Озодлик билан суҳбатда Мирзиёев ташрифига 90 миллион сўмлик янги шийпон қурилганини айтди.

"Янги президент келишига Андижон шаҳридан Шаҳихонни йўлига кетаверишдаги Далварзин қишлоғи ёнидаги далаларда, асосан, олд қатордаги пахтазорларда пахта терилмасин, дейишди. Меҳмонга пахта очилиб турганини кўрсатиш учун махсус дориларни сепиб баргларини туширишяпти. Ўша ерда 90 миллион сўмга шийпон ҳам қуришди. Бу шийпонда Мирзиёев пахтакорлар билан учрашар экан," - деди шаҳрихонлик деҳқон.

Суҳбатдош ўз сўзларига исбот тарзида Озодликка видео ва фотосуратларни ҳам йўллади.

Янги президентни кутиб олишга 90 миллионлик шийпон ва пахталар тайëр
Илтимос кутинг

Айни дамда медиа-манба мавжуд эмас

0:00 0:00:30 0:00

Айни пайтда Андижон вилояти ҳокимлиги биноси ва "Эски шаҳар" бозори атрофидаги қуриб ётган арчаларга яшил рангли бўёқлар ҳам сепилмоқда.

Шаҳарда бюджет ташкилотлари, коллеж ва мактаб ўқувчилари Мирзиёев келишига шаҳарни тозалаш ишига жалб этилмоқда.

Шаҳардаги "Эски шаҳар" бозорига киравериш қисми таъмирланмоқда.

Андижонга сафари чоғида Шавкат Мирзиёев "Эски шаҳар" деҳқон бозорини кўздан кечириши ва у ердаги тадбиркорлар билан учрашиши кутилмоқда.

Бу бозорда гўшт махсулотларини сотиш билан шуғулланувчи тадбиркор Озодлик билан суҳбатда бозор маъмурияти уларга мамлакат вақтли раҳбари келадиган кунда нархларни туширишга буйруқ берганини айтди.

"Нархларни туширасизлар, деяпти. Нима қиласиз энди, бир кунлик ташриф, иложимиз йўқ, туширсак тушираверамиз зарарига бўлса ҳам," дейди исмини айтмаган андижонлик савдогар.

Андижонлик савдогарларга кўра, муваққат раҳбар келишидан олдин шаҳар дўконларида пластик карталар ва нақд пулга бир хил нархлар белгилаб қўйилган.

18:47 27.9.2016

*

Давомини ўқинг

XS
SM
MD
LG