Тошкентда ўтказилган "Китоблар дунёси" ярмаркасида 2016 йилда Ўзбекистонда энг кўп сотилган китобларнинг номлари эълон қилинди.
Сиёсий-ижтимоий китоблар бўйича Ислом Каримовнинг "Юксак маънавият-енгилмас куч" номли китоби энг кўп сотилган китоб сифатида биринчи ўринни олди.
Лекин, Каримов китоблари ўтган йилда қанча дона сотилгани ҳақида маълумот йўқ.
Шунингдек, марҳум президентнинг яна учта асари бозори чаққон китоблар бешлигидан жой олди.
Маънавий-маърифий китоблар бўйича эса Тоҳир Маликнинг “Меҳмон туйғулар”, “Одамийлик мулки” ва шайх Муҳаммад Содиқ Муҳаммад Юсуфнинг "Руҳий тарбия" китоби оммабоп асарлар ўнлигига кирди.
