Ўзбекистон бўйлаб марҳум президент Ислом Каримовнинг туғилган куни кенг нишонланмоқда. Шу муносабат билан президент Шавкат Мирзиёев 30 январь куни Самарқандга бориб, Ислом Каримов қабрини зиёрат қилди, Тошкентдаги "Наврўз" ресторанида эҳсон оши берилди, давлат телевидениеси орқали Ислом Каримовга бағишланган ҳужжатли фильм намойиш этилди.
Ислом Каримовнинг хотирасини абадийлаштириш тўғрисидаги президент қарорига кўра, ҳар йили 2 сентябрь санаси Ислом Каримов хотира куни сифатида, 30 январь эса "Биринчи Президент таваллуд топган сана" сифатида кенг нишонланади.
Хўш, Ислом Каримов келажакда қандай президент сифатида эсланиши мумкин?
Унинг ўрнига президент этиб сайланган Шавкат Мирзиёев қандай сиёсат юритмоқда?
OzodNazar рукнида айни саволлар билан Франциядан таҳлилчи Камолиддин Раббимовга боғландик.
