Линклар

14 декабр 2017, Тошкент вақти: 15:06

АҚШ давлат котиби НАТО йиғинида Россияга босим кўрсатиш масаласини кўтаради


АҚШ давлат котиби Рекс Тиллерсон.

АҚШ давлат котиби Рекс Тиллерсон 31 март куни ўтадиган НАТОга аъзо давлатлар ташқи ишлар вазирлари йиғилишида “қўшниларига таҳдид қилаётган” Россияга нисбатан босимни кучайтириш масаласини кун тартибига қўяди.

Тиллерсон мана шу йўл билан Россияни Украинадаги урушни тўхтатишга ва Украина юзасидан Минск шартномаси бўйича олган мажбуриятларини бажаришга мажбур қилиш лозим, деб ҳисоблайди. Бу ҳақда Вашингтон расмийларига таянган ҳолда ахборот агентликлари хабар берди.

НАТОга аъзо давлатлар ташқи ишлар вазирлари йиғини 5-6 апрель кунлари ўтказилиши режаланган эди. Дастлаб Тиллерсон бу кунлари банд бўлгани учун мазкур йиғинда иштирок эта олмаслигини билдирган.

Бироқ бу хабар АҚШ ва Европа сиёсатчилари орасида қаттиқ норозиликларга сабаб бўлганидан сўнг, Тиллерсон йиғин бошқа кунга кўчирилса иштирок этишини маълум қилган эди.

Хабарда айтилишишча, Тиллерсон йиғилиш чоғида НАТОга аъзо давлатларни ташкилот бюджетига тўловларни кўпайтириш масаласини ҳал этишга ундайди.

АҚШ президенти Трамп НАТОга аъзо давлатлар 2024 йилгача ташкилотга ўз бюджетларининг 2 фоизи ҳажмида пул ажратишга эришиши шарт эканини айтиб келади.

XS
SM
MD
LG