O‘zbekistonlik taniqli jurnalist Sharof Ubaydulleav O‘zbekiston hayotidagi o‘zgarishlar haqida gapira turib bir yangilik aytdi.
- Bugun ertalab Haziniy ko‘chasiga nahorgi oshga bordim. O‘zbek paxta sanoatiga ulkan hissa qo‘shgan "O‘zpaxtasanoat” rayosatining sobiq raisi Farhod Omonov qamoqdan ozod bo‘lib, elga osh berdi. Uzoq muddatga o‘tgan yili qamalgan edi. Mana, adolat qaror topib, ozod bo‘ldi. Bu kishini qamagan MXX generallariga qarata "paxta sanoatiga aralashmang" deyman¸ dedi Sharof Ubaydullaev.
Suhbatdosh, shuningdek, O‘zbekiston prezidenti Shavkat Mirziyoevning qaroriga ko‘ra barpo qilinadigan Adiblar xiyoboni masalasiga ham munosabat bildirdi.
Ubaydullaevga ko‘ra¸ bu xiyobon markazida Odil Yoqubov va Rauf Parfilarning haykallari turishi kerak.
Suhbatdosh Toshkentdagi Hamid Olimjon haykalini Darxondan ko‘chirish zarurati yo‘qligini ham ta’kidladi.