Линклар

ЕИ элчиси Ўзбекистоннинг валюта сиёсатини танқид қилди


Европа Иттифоқининг Ўзбекистондаги делегацияси раҳбари Эдуардс Стипрайс.

Европа Иттифоқининг Ўзбекистондаги делегацияси раҳбари Эдуардс Стипрайс 4 май куни ўтказилган матбуот анжуманида Тошкентнинг валюта сиёсатини танқид қилди.

Kun.uz нашрининг хабар беришича, Стипрайс "Ўзбекистондаги мавжуд валюта сиёсати кўп ҳолларда тўғридан-тўғри хорижий инвестицияларни жалб этишга тўсқинлик қилади. Бу ҳеч кимга сир эмас. Айни дамда, бу Ўзбекистон ҳукумати томонидан ҳал этилаётган муҳим масалалардан биридир”, деб айтган.

Стипрайснинг айтишича, Ўзбекистонда валюта тизимига нисбатан “бозор воситаларининг жорий этилиши” хориж сармоядорлари учун кучли ишора бўлиши мумкин.

“Элчининг сўзларига кўра, инвестициялар фойда кўришнинг имкони йўқ бўлган ерга эмас, бизнес учун қулай шарт-шароитлар яратилган муҳит томон ошиқади”, деб ёзди Kun.uz .

XS
SM
MD
LG