Сурия армияси ва иттифоқчилари “Исломий давлат” экстремист гуруҳи ишғоли остида бўлиб келган мамлакат шарқидаги Деир ал-Зоур шаҳрига яқин жойдаги нефт конини қайта қўлга киритган.
Бу ҳақда мамлакат телеканали 9 сентябр куни хабар қилди.
Ҳукумат кучлари, шунингдек, Ироқ чегарасига яқин Деир ал-Зоур шаҳридан Майдин шаҳрига элтувчи йўлни ҳам назоратига олган.
Эндиликда Сурия кучлари шу ҳудуддаги ҳаво базасини “Исломий давлат” жанггарилари ишғолидан озод этиш ниятида.
Айни пайтда Деир ал-Зоур шаҳрининг ярми, шунингдек Ҳама ва Хомс яқинидаги ҳудудлар ИД назорати остида қолмоқда.