Россия метереологик хизмати сентябрь якунида мамлакатда рутений-106 радиоактив моддаси концентрацияси ўта юқори бўлганини тасдиқлади. Бу ҳақда 20 ноябрь куни AFP ахборот агентлиги билдирди.
Ой бошида Европадаги манбалар таркибида рутений-106 бўлган радиоактив булут қитъага етиб боргани ҳақида хабар тарқатган эди. Ўшанда радиоактив модда Россиянинг Урал ҳудудидан ёки Қозоғистондан келгани тахмин қилинган эди.
“Росгидромет” 25 сентябрь ва 1 октябрь ўртасида “Аргаяш” ва “Новогорний” кузатиш станцияларида рутений-106 моддасини аниқлагани билдирган.
AFP агентлигига кўра, Россия об-ҳаво хизмати энг рутенийнинг юқори концентрацияси Челябинск вилоятидаги қишлоқларнинг бирида аниқлаганини айтган.
“Аргаяш” станцияси ҳавода рутений-106 миқдори нормадан 986 марта кўп бўлганини қайд этган.
Радиоактив булутлар Уралдан аввалига Татаристон ва жанубий Россияга тарқалган, кейинчалик Европа давлатларига етиб борган.