Линклар

Шошилинч хабар
29 март 2024, Тошкент вақти: 10:34

Кремль: Россиянинг Олимпиададан четлатилганини жиддий таҳлил қиламиз


Россия президенти Владимир Путиннинг матбуот котиби Кремль Халқаро Олимпия қўмитаси (ХОҚ) нинг Россия терма жамоасини 2018 йилги Олимпиада ўйинларидан бутунлай дисквалификация қилиш қарорини ўрганиб чиқиб, кейин қарор чиқаришини айтди.

6 декабрь куни Дмитрий Песков “ҳис-туйғуни четга суриб қўйиш” кераклигини ва “ХОҚ қарорини жиддий таҳлил қилиш” кераклигини айтди.

5 декабрь куни ХОҚ Жанубий Кореянинг Пхёнчхан шаҳрида бўлиб ўтадиган қишки ўйинлардан Россия четлатилганини эълон қилди. Қўмитанинг бу қарорига Россия жамоасининг Сочи-2014 Олимпиадасида допингдан оммавий тарзда фойдаланганликда айбдор деб топилгани сабаб бўлди.

Допинг қабул қилмагани аниқланган россиялик “тоза” спортчиларга Пхёнчхан ўйинларида фақат нейтрал байроқ остида иштирок этишига рухсат берилади. Бу спортчилар рўйхатини ХОҚ махсус комиссияси белгилаб беради.

Бундан ташқари ХОҚ қатор россиялик мулозимлар, жумладан спорт вазири Виталий Муткони Олимпия ўйинларидан умрбод четлатди.

Бунгача қўмита допинг учун бирор мамлакатни Олимпиада ўйинларидан бутунлай четлатмаган. Одатда индивидуал спорт федерацияларига чеклов қўйилади.

XS
SM
MD
LG