Россия президенти Владимир Путин 2018 йилнинг мартига белгиланган президентлик сайловида номзодини қўйишига шама қилди ва яқин кунларда ўз қарорини расман эълон қилишини билдирди.
6 декабрь куни кўнгилли гуруҳларни тадқирлаш маросимида иштирок этган Путиндан сайлов ҳақида сўралганда, президент маросим иштирокчиларидан ўз номзодини қўллаш-қўлламасликлари ҳақида сўраш билан жавоб қайтарди.
Оломон бир овоздан “ҳа” дея ҳайқирганидан кейин, Путин:
- Унда, яқин келажакда одамлар қўлловини эътиборга олган ҳолда, бир қарор чиқарилади, - деди.
Путиннинг бу чиқиши давлат телеканалида жонли эфирга узатилди.
2018 йилга белгиланган президентлик сайловида Путин қатнашса, у ғолиб чиқиши тахмин қилинмоқда.
Путиннинг рейтинги юқори бўлгани ҳамда у ўзига қарши гуруҳлар ва мухлофатга қарши аёвсиз курашиб келаётгани учун унинг қайта сайланиши ҳеч кимни ҳайратга солмайди.
Россия конституциясига бинонан Путин 2024 йилда бешинчи марта ўз номзодини қўя олмайди.