Африкалик футбол юлдузи Жорж Веа 26 декабрь куни Либерия президентлик сайловининг иккинчи турида вице-президент Жозеф Боакай билан беллашади.
Веа FIFAнинг “йил ўйинчиси” ҳамда Ballon d'O мукофотини қўлга киритган илк африкалик футболчидир.
Веа Либерияда 1989-2003 йилларда содир бўлган фуқаролар уруши давомида мамлакат ташқарисида, асосан, Европа футбол жамоалари сафида бўлган.
У бир неча марта Либерия миллий терма жамоасининг хориждаги ўйинларида иштирок этиши учун шахсан ўзи ҳақ тўлаган.
Веа 2005 йилги президентлик сайловида ҳам номзод бўлган, аммо президент Эллен Жонсон-Серлифга мағлуб бўлган эди.