Линклар

Шошилинч хабар
16 июл 2018, Тошкент вақти: 13:56

Тошкентнинг ҳар бир туманида 10 тадан сузиш ҳавзаси қурилади


2018−2025 йилларда Тошкентнинг ҳар бир туманида 10 тадан энергия тежаш тизимларига эга сузиш ҳавзалари қурилиб, ушбу муддат ичида мавжуд бассейнлар реконструкция қилинади. Бу ҳақда Ўзбекистон Вазирлар Маҳкамасининг 5 январдаги қарорида айтилгани ҳақда Gazeta.uz хабар қилди.

1 февралдан ҳужжат асосида Жисмоний тарбия ва спорт давлат қўмитасининг пойтахтдаги сузиш ҳавзаларида соғломлаштириш гуруҳларида машғулотларда қатнашиш учун тўловларнинг янги миқдорлари жорий этилади. Унга кўра 4−7 ёшлилар бир ойда — энг кам ойлик иш ҳақи (ЭКОИҲ) нинг 30 фоизи, 8−12 ёшлилар — 40 фоиз, 13−17 ёшлилар — 50 фоиз, 18 ёш ва ундан катталар — 70 фоизи миқдорида тўловни амалга оширишлари лозим.

Ҳужжатга мувофиқ, бассейнларга кириш жойларида турникетлар ва видеокамералар ўрнатилади.

Давлат спорт қўмитаси аҳолини бассейнлар жойлашган мазиллар, уларнинг иш жадваллари, кўрсатилаётган хизматлар ва нархлари ҳақида интернет орқали ҳам кенг хабардор қилиб боради.

XS
SM
MD
LG