Линклар

Шошилинч хабар
23 май 2018, Тошкент вақти: 23:27

Тайёрланаётган жиноят тўғрисида хабар берганлар мукофотланади


Вазирлар Маҳкамаси жиноятга тайёргарлик кўрилаётгани тўғрисида маълумот берган шахсларни мукофотлаш тартиби тўғрисидаги низомни тасдиқлади.

Norma.uz ҳуқуқ-ахборот порталининг 17 январда хабар беришича, 15-сонли бу қарор 2018 йилнинг 8 январида қабул қилинган.

Ҳужжатда тайёрланаётган ёки амалга оширилаётган жиноятнинг олдини олган ёки содир этилишига йўл қўмаган, жиноят тайёрланаётгани тўғрисида ҳуқуқ-тартибот тузилмаларига хабар берган, жиноятни тўлиқ фош этишда ҳуқуқ-тартибот органлари билан ҳамкорлик қилган гражданлар, жамоат ташкилотлари, жумладан, диний ташкилотларни мукофотлаш назарда тутилган.

Гражданларга мукофотлар жиноятчиликка қарши кураш комиссиялари томонидан берилади.

Туман комиссиялари энг оз иш ҳақининг 10 даражаси миқдорида, вилоятлар, Қарақлпоғистон ва Тошкент шаҳар комиссиялари энг кам иш ҳақининг 15 даражаси миқдорида, республика комиссияси эса энг кам иш ҳақининг 20 фоизи миқдорида мукофот белгилайди.

Жамоат ташкилотларига эса миннатдорчилик ёрлиғи топширилади.

XS
SM
MD
LG