Линклар

Шошилинч хабар
23 октябр 2018, Тошкент вақти: 00:09

БМТ Хавфсизлик кенгаши раиси Афғонистондаги вазиятдан ташвиш билдирди


БМТ Хавфсизлик кенгашига раислик қилаётган Қозоғистоннинг БМТдаги элчиси Кайрат Умаров.

БМТ Хавфсизлик кенгашига раислик қилаётган Қозоғистоннинг БМТдаги элчиси Кайрат Умаров кенгашнинг Афғонистонга сафар қилган делегацияси мамлакатдаги вазиятдан ташвиш билдирганини айтди.

-Ташриф давомида Хавфсизлик Кенгаши аъзолари мамлакатда беқарорлик сақланиб қолаётганидан, айниқса Афғонистон шимоли ва шарқида Сурия ва Ироқдан Афғонистонга кириб келган жанггари гуруҳлар фаоллашганидан ташвиш билдирдилар, -деди Кайрат Умаров.

Яқинда БМТ Хавфсизлик кенгаши делегацияси вазиятни ўрганиш учун Афғонистонга борган эди. Афғонистон масаласи шу кунларда Хавфсизлик кенгашида муҳокама қилиниши кутилмоқда.

Қозоғистоннинг БМТдаги элчиси Кайрат Умаров 1 январдан ротация асосида БМТ Хавфсизлик кенгаши раиси лавозимига киришди.

XS
SM
MD
LG