Россиянинг "Газпром" ширкати халқаро тузилмаларидан бири бўлган — Gas Project Development Central Asia компанияси Сурхондарё вилоятида жойлашган "Мустақилликнинг 25 йиллиги" газ конида газни қайта ишлаш заводи қуради.
Бу ҳақда ширкат матбуот хизмати 27 январ куни хабар берди.
2018-2021 йиллар оралиғида қурилажак завод дастлабки босқичда йилига 2 млрд. кубометр, кейин - 4 млрд кубометр газни қайта ишлаш қувватига эга бўлиши айтилмоқда.
Ушбу лойиҳа 2017 йилнинг апрел ойида Ўзбекистон Ҳукумати ва бир гуруҳ инвесторлар — Gas Project Development, Altmax Holding Ltd. ва "Узнефтегазқазибчиқариш" АЖ иштирокида тузилган битимга асосан амалга оширилмоқда.