Линклар

19 феврал 2018, Тошкент вақти: 10:31

АҚШ Адлия вазирлиги истеъмолчилар, ширкатлар ва молия муассасаларига 530 миллион доллардан кўпроқ зарар келтирган киберҳужумларни амалга оширганликда 36 одам гумонланаётганини билдирди.

Хабарда айтилишича,7 февралда гумонланаётганлардан 13 нафари АҚШда, 6 нафари эса Австралия, Британия, Франция, Италия, Косово ва Сербияда қўлга олинди.

Қўлга олинганлар орасида 2010 йилнинг октябрида товламачиликка қарши кураш ташкилоти сифатида тақдим этилган интернет-кибержиноят гуруҳи асосчиси бўлган украиналик Святослав Бондаренко ҳам бор.

Товаламачиликка қарши кураш баҳонасида тузилган мазкур ташкилот он-лайн форумларда олди-сотди билан шуғулланган ва дебет ҳамда кредит карата рақамларини, банкларга оид молиявий маълумотларни ўғирлаш билан шуғулланган.

Ташкилотнинг 11 минг аъзоси дунё бўйлаб 4 миллион 300 мингта кредит, дебет карталари, банк ҳисоб рақамларини ўғирлаган.

XS
SM
MD
LG