Франция жанубидаги Треб шаҳрида одамлар гаровга олиниши вақтида ўзини асирлар билан алмаштирган полиция зобити шифохонада оламдан ўтди.
Бу ҳақда Франция Ички ишлар вазири Жерар Коллон твиттерда хабар қилди.
"Подполковник Арно Бельтрам ҳаётдан кўз юмди... Франция унинг қаҳрамонлиги, жасурлиги ва ўзини қурбон келтирганини ҳеч қачон унутмайди", - дея ёзди Коллон.
Франциянинг Треб коммунасида жойлашган супермаркетда жума, 23 март куни одамлар гаровга олинди.
Салоҳ Абдусаломнинг озод этилишини талаб қилган гаровгир отиб ўлдирилди.
Отишмада ўзини гаровга олинганларга алмаштирган Арно Бельтрем яраланганди.
Салоҳ Абдусалом 2015 йил 13 ноябрда Париж ҳужумларида қатнашган деб шубҳа қилинади.
Ўшанда 130 киши қурбон бўлганди.
