28 май куни Ўзбекистон Ташқи ишлар вазирлиги ҳайъатига вазир ўринбосари этиб тайинланган Дилшод Аҳатов таништирилди.
Бу ҳақда хабар қилган ТИВ матбуот хизматига кўра, Дилшод Аҳатов бу лавозимга тайинлангунига қадар ТИВнинг Европа мамлакатлари ва НАТО билан ҳамкорлик бошқармаси бошлиғи ҳамда Ўзбекистоннинг Германиядаги элчиси лавозимларида ишлаган.
Бунга қадар Ўзбекистоннинг Туркиядаги элчиси бўлиб ишлаган Улфат Қодиров эса ТИВ Консуллик ҳуқуқий департаментига раҳбар бўлди.
