Миллий хавфсизлик давлат қўмитаси 19 июль куни Бишкек мэри Албек Ибраимовни ушлади.
МХДҚ маълумотларига кўра, собиқ мэр унинг иштирокида тергов ҳаракатлари ўтказиш учун бир неча марта чақирилган, у терговчининг чақирувларини атайлаб инкор қилган, ушлашадиган бўлса, қуролли қаршилик кўрсатиши мумкинлигини айтиб, таҳдидлар қилган.
Таъкидланишича, МХДҚда бир қатор жиноят ишлари тергов қилинмоқда, уларни тергов қилиш давомида Албек Ибраимовнинг ҳуқуққа зид қилмишларга алоқадорлиги тўғрисида ишончли маълумотлар олинган.
Хусусан, махсус хизмат “ТНК Дастан” ОАЖ махсус буюмларни оширилган нархларда сотиб олганлигини фош қилди. «Терговда “ТНК Дастан” ОАЖга мудофаа учун мўлжалланган маҳсулотларни етказиб беришга йирик контракт тузиш учун, Ибраимов корхона бошқаруви раиси бўлган пайтида мукофот сифатида етказиб берувчидан270 минг доллар олганлиги аниқланди», - дейилади хабарда.
МХДҚ «Пансионат «Солнечный берег» ОАЖ акциялари пакетининг 100% сотилганлиги факти ва Бишкекда ер майдонларини ажратишдаги коррупция факти бўйича жиноят ишларини ҳам келтиради. Акциялар сотилишинатижасида «ТНК Дастан» ОАЖ манфаатларига 152 миллион сомдан ортиқ зарар етказилган. Тергов фаразига кўра, Ибраимов Бишкек мэри бўлган пайтида хусусий шахсларга фойдаланиш учун ер майдонларини ноқонунийажратиш ва бериш бўйича коррупцион схема ташкил қилган.
Бишкек мэри Албек Ибраимов 10 июлдан буён таътилда. 13 июль куни шаҳар кенеши депутатлари навбатдан ташқари сессияга йиғилиб, унга ишончсизлик вотуми билдиришди. Бош вазир уни истеъфога чиқариш ҳақидаги тақдимномани имзолади.
“ТНК Дастан” ОАЖ махсус буюмларни оширилган нархларда сотиб олганлиги ҳақидаги ишга изоҳ бераркан, Албек Ибраимов бу иш сиёсий важлантирилганлигини баён қилди.
19 июль куни эса суд Албек Ибраимовни 29 августгача қамоққа олиш тўғрисида қарор чиқарди.
